ФҚХ "Фонди бозтамвил" бо мақсади вусъат бахшидани дастрасии аҳолии аз назари иқтисодӣ фаъол ба хизматрасониҳои молиявӣ, рушди соҳибкорӣ ва таҳкими бахши маблағгузории хурд дар деҳоти Тоҷикистон барои ҶСП Бонки "Арванд" хати қарзӣ боз кард.

Маросими имзои Созишнома санаи 4 феврали соли 2021 баргузор гардид, ки дар доираи ин лоиҳа ба ҳар як қарзгиранда, берун аз шаҳрҳои Душанбе ва Хуҷанд, то 200 ҳазор сомонӣ қарз дода мешавад, ки ба рушди соҳаи маблағгузории хурд дар деҳоти кишвар такон хоҳад дод.

ФҚХ "Фонди бозтамвил" ҳамкории деринаи устувори худро бо ҶСП Бонки "Арванд" тақвият бахшид ва дар кори ояндаи худ ФҚХ "Фонди бозтамвил" ин таҷрибаро бо дигар ташкилотҳои қарзӣ идома доданист, ки ин ба рушди бахши маблағгузории хурд дар минтақаҳои деҳоти кишвар  мусоидат менамояд.

Санаи 2 феврали соли 2021  дар асоси моддаи 7 Қонуни ҶТ “Дар бораи муқовимат ба қонунигардонии (расмикунонии) даромаҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” ва супориши Роҳбарияти Фонд дар ФҚХ “Фонди бозтамвил” рӯнамо дар мавзӯи “Нақша ва буҷети Фонд барои соли 2021” ва тренинг дар мавзӯи “Тартибу қоидаҳои ФҚХ “Фонди бозтамвил” дар самти МҚД/МТ/МПСҚО” бо иштироки тамоми кормандони Фонд баргузор гардид.

Дар рӯнамо буҷет ва ҳадафҳои Фонд баррасӣ ва муҳокима карда шудаанд. Дар тренинг масъалаҳои муайян кардани хавфҳо барои муштариён, раванди кор бо мизоҷони дорои хавфи баланд, инчунин раванд ва дурустии пешниҳод гардидани ҳисобот ба Департаменти мониторинги молиявии назди Бонки миллии Тоҷикистон баррасӣ гардиданд.

Ҳадафи  чорабинии мазкур ба таҳким ва такмили заминаи дониши кормандони Фонд дар соҳаи МКД/МТ/МПСҚО ва шиносоӣ бо нақша ва буҷаи Фонд барои соли 2021 равона карда шудааст.

Фонди қарзии хурди “Фонди бозтамвил” ҷиҳати иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар самти дастгирии ятимону бепарасторон ва шахсони ниёзманд ва бо мақсади иҷрои  дархости Мақомоти иҷроияи ҳокимияти давлатии ноҳияи Панҷ дар якҷоягӣ ба Вазорати рушди иқтисод ва савдои Ҷумҳурии Тоҷикистон  ба ятимону бепарасторон ва шахсони ниёзманди ноҳияи Панҷ кӯмакҳои моддӣ бо туҳфаҳои солинавӣ тақдим намудаанд.

Санаи 29 декабри соли 2020 дар Вазорати рушди иқтисод ва савдои Ҷумҳурии Тоҷикистон ҷаласаи 28 -уми Шӯрои парасторони ФҚХ “Фонди бозтамвил” таҳти роҳбарии  Раиси Шӯрои парасторон, Муовини вазири рушди иқтисод ва савдо Абдураҳмонзода Абдураҳмон Сафаралӣ баргузор гардида, дар он аъзои Шӯрои парасторон ва намояндагони Фонд иштирок намуда, фаъолияти Фонд барои семоҳаи сеюми соли ҷорӣ мавриди баррасӣ қарор дода шуд.

Дар рафти ҷаласа, масъалаи ворид намудани баъзе тағйиру иловаҳо дар санадҳои меъёри ҳуқуқии Фонд ва инчунин вазифаҳо барои соли 2021 мавриди муҳокима қарор дода шуданд.

Дар анҷоми ҷаласа Раиси Раёсати Фонд Раҳмонзода Шариф ба Раиси Шӯрои парасторон ва аъзоёни он барои саҳми пурмаҳсул доштан дар рушди фаъолияти Фонди қарзии хурди “Фонди бозтамвил”миннатдорӣ баён намуд.