Имкониятҳо

Фароҳам овардани шароити мусоид барои Шумо бо мақсади расидан ба ҳадафҳои нав

Комёбӣ ва инкишоф

Маблағгузории мо ба хотири муваффақияти Шумо

Дастгирӣ

Дастгирии мо калиди рушди Шумо хоҳад шуд

Мақсади асосии Фонд

Мақсади асосии Фонд – саҳм гузоштан дар  васеъ намудани имконияти дастрасии аҳолии аз ҷиҳати иқтисодӣ фаъол ба хизматрасониҳои молиявӣ, рушди соҳибкорӣ ва таҳкими бахши молиявии хурди Ҷумҳурии Тоҷикистон.

0 млн

Сармоя

0

Қарз/транши додашуда

0 млн

Маблағи қарз
Хабарҳои охир

2021-05-06 17:34:41

Хабарҳо

Аз ҷониби Фонди қарзии хурди "Фонди бозтамвил" ҳамкориҳо дар самти пешниҳоди қарзҳои гуногунмӯҳлат ба ташкилотҳои қарзии молиявӣ идома дошта, дар ин замина бо мизоҷи навбатӣ ҶСП “Спитамен Бонк” санаи 5 майи соли 2021 шартномаи қарзӣ бо кушодани хатти қарзӣ Созишномаи ҳамкорӣ баста шуд.

Бояд тазаккур дод, ки маблағҳои ҷудонамудаи Фонди қарзии хурди "Фонди бозтамвил" дар амалӣ гардидани дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ва мақоми танзимгари низоми бонкӣ ҷиҳати пешниҳод намудани қарзҳои хурду миёна бо фоизҳои дастрас ба субъектҳои хоҷагидории ҷумҳурӣ барои рушди соҳаҳои иқтисодӣ ва пешбурди фаъолияти соҳибкорӣ, инчунин ҷиҳати барқарор намудани рақобат миёни ташкилотҳои қарзии молиявӣ асос шуда метавонад.

Раиси Раёсати ФҚХ “Фонди бозтамвил” Раҳмонзода Шариф ба имзо расидани созишномаи мазкурро падидаи нек номида, таъкид ба амал овард, ки пешниҳоди қарз бо меъёрӣ 8 фоизи солона амалӣ гардидааст ва аз ҷониби ҶСП “Спитамен Бонк” низ ба як қарзгирандаи ниҳоӣ (охирин) мутобиқи таҷрибаи оқилонаи бонкӣ интиқол додан иқдоми наҷиб хоҳад буд.

Дар рафти бастани созишнома тарафҳо ҷиҳати мақсаднок истифода намудани маблағҳои қарзӣ,расидан ба ҳадафҳои гузошташуда ва идомаи ҳамкории судманд ба мувофиқа расиданд.

 

 

2021-05-05 13:57:43

Хабарҳо

Бо мақсади васеъ намудани дастрасии аҳолии аз ҷиҳати иқтисодӣ фаъол ба манбаъҳои молиявӣ, рушди соҳибкорӣ ва пешниҳоди қарзҳои хурду миёна ба минтақаҳои деҳоти ҷумҳурӣ санаи 4 майи соли 2021 Фонди қарзии хурди "Фонди бозтамвил" шартномаи қарзӣ бо кушодани хатти қарзӣ бо ҶСП “Бонки байналмилалии Тоҷикистон” ба имзо расонид.

Маблағҳои ҷудонамудаи Фонди қарзии хурди "Фонди бозтамвил" тавассути ташкилотҳои қарзии молиявӣ ҷиҳати дар амал татбиқ намудани дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ва расидан ба ҳадафҳои асосии оинномавии Фонд, пешниҳоди хизматрасониҳои молиявӣ бо пули   миллӣ  (сомонӣ) ба ташкилотҳои молиявии қарзӣ, мусоидат ба соҳибкорӣ ва пурзӯр намудани  низоми молиявӣ дар минтақаҳои деҳот, ҳамчунин ҷиҳати паст намудани сатҳи камбизоатӣ, баланд бардоштани шуғл аз ҷумла, пешниҳоди қарз ба соҳибкорони хурдтарин, хурд ва миёна ба соҳаҳои мухталифи иқтисодиёт равона карда мешаванд.

Қобили қайд аст, ки дар доираи ҳамкориҳои дуҷониба байни ФҚХ "Фонди бозтамвил" ва ҶСП “Бонки байналмилалии Тоҷикистон” пешниҳоди қарз бо меъёрӣ 8 фоизи солона амалӣ гардида, ба ташкилотҳои қарзӣ барои бо фоизи паст пешниҳод намудани қарз ба як қарзгирандаи ниҳоӣ (охирин) мутобиқи таҷрибаи оқилонаи бонкӣ заминаи мусоид фароҳам меорад.

2021-04-14 15:54:26

Хабарҳо

Санаи 13 апрели соли 2021 дар сатҳи роҳбарияти ФҚХ “Фонди бозтамвил” ва ҶДММ ТАҚХ “Финка” маросими имзои созишномаи ҳамкорӣ бо кушодани хатти қарзӣ баҳри расидан ба ҳадафҳои стратегӣ ва фароҳам овардани заминаи мусоид дар самти пешниҳоди қарзҳои хурд ба соҳаҳои мухталифи иқтисодиёт баргузор гардид. 

ФҚХ “Фонди бозтамвил” ҷиҳати таъмини саривақтии дастуру супоришҳои Асосгузорӣ сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар самти зиёд намудани қарзҳо, инчунин дастрасии аҳолӣ ба захираҳои қарзии нисбатан арзон тавассути ташкилотҳои қарзии молиявӣ пешниҳоди қарзҳои миёнамӯҳлатро идома дода истодааст.

Қобили қайд аст, ки дар раванди ҳамкориҳои дуҷониба байни ФҚХ “Фонди бозтамвил” ва ҶДММ ТАҚХ “Финка” пешниҳоди қарз бо ҳадди ниҳоӣ ба як қарзгирандаи (охирин) мутобиқи таҷрибаи оқилонаи бонкӣ, амалӣ гардида, дар паст гардидани фоизи қарз ба соҳибкорони хурдтарин, хурд ва миёна мусоидаткунанда ба инобат гирифта шудааст.

ФҚХ “Фонди бозтамвил” дар самти пешниҳоди қарз бо меъёрӣ 8 фоизи солона ҳамкориро минбаъд низ бо ташкилотҳои қарзии молиявии кишвар идома дода, саҳми худро дар пешрафти соҳаҳои иқтисодӣ хоҳад гузошт.

2021-03-26 15:04:53

Хабарҳо

Наврӯз яке аз ҷашнҳои миллии мардуми ниёгон ба ҳисоб рафта, дорои таърихи ҳазорсолаҳо мебошад. Наврӯз ҷашни фарорасии баҳори нозанин, зиндашавии табиат, оғози корҳои кишоварзӣ ва боғдорӣ, айёми баробаршавии шабу рӯз дар баҳор маҳсуб ёфта, аз замонҳои хеле қадим ба мо боқӣ монда, бо як шукӯҳу шаҳомати зиёд ҷашн гирифта мешавад. Дар ҷашни Наврӯз тамоми пиру барно ба ҳам омада, аз аҳволи якдигар хабар мегиранд ва ба якдигар рӯзҳои некро таманно мекунанд.

Қобили қайд аст, ки ҷашни Наврӯз бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун иди байналмилалӣ эътироф шуда, дар тамоми давлатҳои дунё ҷашн гирифта мешавад. Инчунин, дар ин раванд мардуми тоҷик низ ба сифатҳои некӣ Наврӯзи арҷ гузошта, дастгириҳои худро ба мардуми камбизоат дареғ намедоранд.

Дар ин замина, ФҚХ “Фонди бозтамвил” дар арафаи Наврӯзи оламафрӯз ва истиқболи ҷашни 30 солагии Истиқлолияти Ҷумҳурии Тоҷикистон ба  хонандагон ва омӯзгорони ноҳияи Панҷ 63 ҷуфт мизу курсӣ барои таҳсили минбаъда ҳадя намуд.

ФҚХ “Фонди бозтамвил” минбаъд низ дар партави дастуру супоришҳои Пешвои миллат ҷиҳати дастгирии шахсони камбизоат ва қишри ниёзманди ҷомеа дар арафаи идҳои миллӣ ба таври доимӣ иқдом менамояд.  

 

2021-03-15 10:45:01

Хабарҳо

Санаи 12 марти соли 2021 Маҷлиси умумии солонаи Ассотсиатсияи ташкилотҳои маблағгузории хурди Тоҷикистон минбаъд "АТМХТ" барпо гардид, ки дар он аъзоёни ассотсиатсия дар шахсиятиа роҳбарони ташкилотҳои қарзии молиявӣ ширкат варзиданд. Дар ҷаласа аъзоёни Асотсиатсия баромад намуда, инчунин Стратегияи фаъолият ва Матритсаи амалҳои АТМХТ барои солҳои 2021-2023 тасдиқ карда шуд.

Дар ҷаласаи мазкур намояндагони ФҚХ “Фонди бозтамвил”  Директори Фонд Раҳмонзода Шариф ва Директори молиявӣ Саъдуллоев Диловар иштирок намуда, хизматрасониҳои Фондро тавассути рӯнамо муаррифӣ намуданд. Дар рафти ҷаласа ҳадаф ва мақсадҳои оинномавӣ, маҳсулотҳои қарзӣ ва принсипҳои ҳамкории Фонд бо ташкилотҳои қарзии молиявии кишвар муҳокима гардид.

Қобили қайд аст, ки намояндагони ФҚХ “Фонди бозтамвил” ба маълумоти ташкилотҳои қарзии молиявӣ расониданд, ки ҷиҳати дар амал татбиқ намудани дастуру супоришҳои Пешвои миллат ва бо ҳадафи баамалбарории мақсад ва вазифаҳои асосии Фонд, пешниҳоди хизматрасониҳои молиявӣ бо пули   миллӣ  (сомонӣ) ба дигар ташкилотҳои қарзӣ, ки аз ҷониби Бонки миллии Тоҷикистон ба танзим дароварда мешавад,  мусоидат ба соҳибкорӣ ва пурзӯр намудани  низоми молиявӣ дар минтақаҳои деҳот, ҳамчунин ҷиҳати паст намудани сатҳи камбизоатӣ, баланд бардоштани шуғл, васеъ намудани дастрасӣ ба маблағҳо ба аҳолии аз ҷиҳати иқтисодӣ фаъол, аз ҷумла фаъолияти қарзӣ, Фонд меъёри фоизи қарзҳои пешниҳодшавадаро то 8% солона паст намуд.

Зикр намудан бамаврид аст, ки Фонд раванди ҳамкориҳояшро  бо ташкилотҳои қарзии молияви кишвар бо шартҳои нав оғоз намуд.

 Қайд намудан зарур аст, ки ҳамкорӣ бо ФҚХ “Фонди бозтамвил” барои расидан ба тағйиротҳои зерин дар ташкилотҳои қарзии моливӣ, ки тамоюли мусбӣ дорад,  имкон медиҳад :

  • фаъолсозии самти мусоидат ба соҳибкории хурдтарин, хурд ва миёна;
  • афзоиши сандуқи қарзӣ;
  • паст намудани арзиши аслии захираҳои қарзӣ;
  • идоракунии хавфҳои асъории худ (hedging);
  • таъмини рақобатпазирӣ аз ҳисоби паст намудани меъёри фоизӣ барои маҳсулоти қарзии пешниҳодшаванда.

          ФҚХ “Фонди бозтамвил” аз натиҷаи иштирок дар ҷаласа рӯнамои худро  барои шиносоии амиқ дар сомона ҷойгир намудааст.

/uploads/files/for_website_AMFOT_presentation_March_12%2C_2021_taj.pdf

 

2021-03-09 15:28:42

Хабарҳо

 

ЭЪЛОНИ

Фонди қарзии хурди «Фонди бозтамвил» (минбаъд - «Фонд»)

оид ба хариди миз ва курсӣ барои хонандагон

ХУСУСИЯТҲОИ МОЛ ВА ТАҶҲИЗОТ

  1. Номгӯи мол ва таҷҳизот барои харид
  • Мизҳо барои хонандагон;
  • Курсиҳо барои хонандагон.
  1. Талабот оиб ба миз ва курсии хонандагон
  • Мизҳо ва курсиҳо аз чуб ва оҳан сохта шуда бошанд;
  • Дархост барои на камтар аз 40 – 50 комплекти миз ва курсии хонандагон.
  1. Талаботи иловагӣ

Мол ва таҷҳизотҳо ба саридораи Фонди қарзии хурди «Фонди бозтамвил» дар суроғаи ш. Душанбе, кучаи Айни 48, (маркази тиҷоратии «Созидание», 9 ошёна) таъмин карда мешаванд.

  1. Мӯҳлати охирини пешниҳоди тиҷоратӣ ва ҳуҷҷатҳо лозима, ки ба суроғаи болозикр тариқи почтаи электронӣ ирсол карда мешавад, то соати 17-00 санаи 19 марти соли 2021 муқаррар карда мешавад.
  2. Ҳуҷҷатҳои лозима барои озмун
  • Тасдиқи мавҷуд набудани қарзҳои иҷронашуда оид ба пардохти андозҳо ва пардохтҳо, ҷаримаҳо ва дигар пардохтҳои ҳатмӣ ба буҷети Ҷумҳурии Тоҷикистон;
  • Шаҳодатнома оид ба қайди давлатӣ (нусха);
  • Оиннома (нусха, ки тибқи тартиб тасдиқ карда шудааст);
  • Шартномаи таъсисёбӣ ё фармон – дар ҳолати зарурӣ тибқи қонунгузории амалкунандаи Ҷумҳурии Тоҷикистон (нусха);
  • Шаҳодатнома оид ба қайдгирӣ дар мақомоти андоз – РМА (нусха);
  • ҳуҷҷатҳо, ки ҳуқуқи имзои якум ва дуюм мебошанд (қарори дахлдор, фармон, ваколатнома ва дигар) (нусха, ки бо аслиаш тасдиқ шудааст);
  • иҷозатнома барои фаъолияти соҳибкорӣ (нусха);
  • иқтибос аз қайди давлатии шахсони ҳуқуқӣ ва соҳибкорони инфиродӣ (нусха);
  • Дигар ҳуҷҷатҳо бо мақсади риояи Қонуни Ҷумҳурии Тоҷикистон «Дар бораи мубориза бар зидди қонунигардонии (расмикунонии) даромадҳо аз ҷиноят, маблағгузории терроризм ва маблағгузории паҳншавии силоҳи қатли ом.

Ташкилотҳо, ки дар озмун хоҳиши иштирок намуданро доранд, метавонанд, ки пешниҳоди тиҷоратии худро тариқи почтаи электронӣ бо қайди мавзӯъ «Эълон оид ба хариди миз ва курсӣ барои хонандагон» таъмин намуда, ба почтаи электронӣ дар поён овардашуда ирсол карда шавад.

Нархҳо дар пешниҳоди тиҷоратӣ бо пули миллии Ҷумҳурии Тоҷикистон – сомонӣ дарҷ карда шуда, ҳамаи андозҳоро дарбар мегирад. Ҳисоббаробаркунӣ тариқи ғайринақдӣ ба роҳ монда шуда ва ба суратҳисоби молтаъминкунанда пардохт карда мешавад.

Шартнома оид ба хариди мол ва таҷҳизот бо молтаъминкунандае баста мешавад, ки пешниҳоди мутақобилан наздик бо арзиш ва ҷавобгӯ ба ҳамаи талаботи Фонд мебошад, ки дар эълони мазкур қайд гардидааст.

 

Фонди қарзии хурди «Фонди бозтамвил»

ш. Душанбе, кучаи Айни 48, (маркази тиҷоратии «Созидание», 9 этаж)

Почтаи электронӣ барои иртибот: office@rfund.tj

Телефон: (+ 992) 43 377 77 70

2021-02-04 09:35:21

Хабарҳо

Санаи 2 феврали соли 2021  дар асоси моддаи 7 Қонуни ҶТ “Дар бораи муқовимат ба қонунигардонии (расмикунонии) даромаҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” ва супориши Роҳбарияти Фонд дар ФҚХ “Фонди бозтамвил” рӯнамо дар мавзӯи “Нақша ва буҷети Фонд барои соли 2021” ва тренинг дар мавзӯи “Тартибу қоидаҳои ФҚХ “Фонди бозтамвил” дар самти МҚД/МТ/МПСҚО” бо иштироки тамоми кормандони Фонд баргузор гардид.

Дар рӯнамо буҷет ва ҳадафҳои Фонд баррасӣ ва муҳокима карда шудаанд. Дар тренинг масъалаҳои муайян кардани хавфҳо барои муштариён, раванди кор бо мизоҷони дорои хавфи баланд, инчунин раванд ва дурустии пешниҳод гардидани ҳисобот ба Департаменти мониторинги молиявии назди Бонки миллии Тоҷикистон баррасӣ гардиданд.

Ҳадафи  чорабинии мазкур ба таҳким ва такмили заминаи дониши кормандони Фонд дар соҳаи МКД/МТ/МПСҚО ва шиносоӣ бо нақша ва буҷаи Фонд барои соли 2021 равона карда шудааст.

Шарикон ва мизоҷон

САВОЛЕ ДОРЕД?

Бо мо дар тамос бошед! Мо омодаем ба саволҳои Шумо посух гардонем!